Малая радзіма… Для кожнага яна свая. Для кагосьці – гэта дом ці дворык, у якім прайшло яго дзяцінства, для другога – гэта вуліца, дзе гуляў басанож з сябрамі ў летнюю спёку. А для тых, хто паехаў шукаць шчасце ў іншыя краіны, маленькай рдзімай лічыцца ўся Беларусь. Адносна такога разумення ад маленькага да вялікага мы і плануем, і праводзім сваю работу.
А вось і вынік – правядзенне тыдня творчасці , які прайшоў у ДУА “Яслі-сад №3 горада Івацэвічы” з 3 па 7 снежня бягучага года. Пачаўся ён выставай сувеніраў прысвечаных Году малай радзімы і выкананых як бацькамі нашых выхаванцаў, так і супрацоўнікамі дзіцячага садка.
Цікавай была задумка спецыялістаў установы як сувенір “выпусціць” шакалад з выявамі знакамітых месцаў нашага роднага горада.
Усе дні тыдня былі ахоплены правядзеннем спецыяльна арганізаваных заняткаў на роднай мове, правядзеннем дыдактычных і народных гульняў, прэзентацыяй лэпбукаў, чытанне вершаў, казак, выкананне песень пра радзіму.
Важнай часткай нашай работы – узаемадзеянне з бацькамі, бо менавіта з адносін таты і мамы да роднай мовы фарміруюцца першыя ўраджанні і першая любоў да ўсяго блізкага, роднага, да таго месца, дзе ён нарадзіўся, да той мовы, якую пачуў ад роднага. Таму шануйце сваю Радзіму, свой дом, сваіх родных. //Фотоальбом//
Министерство образования Республики Беларусь
Главное управление по образованию Брестского облисполкома
Отдел по образованию Ивацевичского райисполкома